+995 577000905
hello@emociawines.geკომპანიის პოლიტიკა
ჩვენ - იგლუსიხმება კომპანია Emocia Wines
მომხმარებელი/მომხმარებლები - კომპანია Emocia Wines-ის მომხმარებლები, რომლებიც ჩვენს ნივთებს იძენენ.
ჩვენი ბრენდისთვის, მომხმარებელი არის ყოველთვის უმაღლეს საფეხურზე, შესაბამისად, ჩვენი მთავარი მიზანია არა მხოლოდ კმაყოფილი არამედ, ბედნიერი მომხარებლები, რომლებიც პირველი შეძენის შემდეგ, არაერთხელ გვიბრუნდებიან.
თუ მომხმარებელს გაუჩნდა უკმაყოფილება, რომელიმე საკითხთან დაკავშირებით, არასდროს ვეძებთ დამნაშავეს! გადავდივართ საკითხის მყისიერ მოგვარებაზე და არ ვიშურებთ ძალისხმევას, რომ აღნიშნული შემთხვევა გადაწყდეს მომხმარებლის სასიკეთოდ, (იშვიათი გამონაკლისის გარდა), მიუხედავად იმისა, რომ ამ გარემოების გამო, ჩვენს კომპანიას შესაძლოა, დამატებითი ხარჯის გაწევა მოუწიოს.
პასუხისი გაცემა ხდება მოწერიდან რამდენიმე წუთში, არაუგვიანეს 2 საათის განმავლობაში.
ყოველთვის ვცდილობთ, რომ მათ მოლოდინებსა და იმედებს გადავაჭარბოთ. ამას ვახერხებთ სასიამოვნო კომინიკაციით, ოპერატიულობითა და პროდუქციის მაღალი ხარისხით.
ჩვენთვის ყველაზე მთავარი, საუკეთესო ემოციების გადაცემაა და მხოლოდ ამის შემდგომ, ნაკეთობების რეალიზაცია.
მიუხედავად იმისა, რომ ჩვენი პროდუქცია არის უმაღლესი ხარისხის, არაა სასურველი მათი ძირს დაცემა ან ნივთებზე მძიმე საგნების დალაგება. ასევე სათუთია ტრანსპორტირების დროსაც. ჩვენი რეკომენდაციაა, საზღვარგარეთ გადატანისას, ყურძნები, ბრინჯაოს და მარმარილოს სუვენირები კარგად გადაიფუთოს რბილ მასალაში და ისე განთავსდეს საბარგო ჩანთებში, რბილი ქსოვილების გარემოცვაში.
თუ მომხმარებლისთვის სასურველი პროდუქცია არ გვაქვს მარაგში, მათი დამზადებისთვის საჭირო პერიოდი მერყეობს 3 სამუშაო დღიდან 7 სამუშაო დღემდე.
დამზადების ვადები ასევე დამოკიდებულია შეკვეთის რაოდენობასა და წლის პერიოდზე.
ნებისმიერ შემთხვევაში, ჩვენი მთავარი ამოცანაა, რომ მინიმალურ ვადებში მოვახდინოთ შეკვეთის სრულად ჩაბარება.
თითოეულ შენაძენს საჩუქრად ახლავს ბრენდული შეფუთვა, მუყაოს სასაჩუქრე ჩანთა და პასპორტი ქართულ ან ინგლისურ ენაზე, სადაც საქართველოზე და უშუალოდ ამ ნივთზე, საინტერესო ცნობები წერია.
ჩვენს გვერდებზე გამოყენებული ფოტო-ვიდეო მასალა და ტექსტი, არ შეიცავს არასწრულწლოვანთა ან ორსულთათვის საზიანო ინფორმაციას.
ჩვენს პლატფორმებზე გამოყენებული ყველა ფოტო, რომელზეც გამოსახულია პიროვნება, შეთანხმებულია მფლობელებთან, ან აღებულია საჯაროდ გამოქვეყნებული პუბლიკაციებიდან.
კომპანია პასუხისმგებელია, ჩვენს მიერ გამოქვეყნებულ ინფორმაციაზე. თუ რომელიმე ტექსტის აუთენტურობაში შესაძლებელია ეჭვის შეტანა, მოდავე ვალდებულია, წარმოადგინოს სანდო წყაროებიდან აღებული მტკიცებულება, როემლიც დაასაბუთებს ჩვენს ცდომილებას.
ჩვენ მიერ გაგზავნილი ნივთები, წინასწარ გადის დეტალურ შემოწმებას და მომხმარებელთან მიდის უმაღლესი ხარისხით და უზადო. ჩვენს ყველა პლატფორმაზე გვაქვს თითოეული პროდუქტის დეტალური აღწერა და ფოტოები, ხვადასხვა რაკურსით და განათბით, რაც უადვილებს მომხმარებელს აარჩიოს და დეტალურად დაათვალიეროს სასურველი ნივთი. თუ მომხმარებელმა შეიცვალა აზრი და სურს სხვა ფერის ან დიზაინის პროდუქტი, 3 კალენდარული დღის განმავლობაში, შეუძლია შეცვალოს გადაწყვეტილება და გადაცვალოს იგივე ფასიან ან უფრო ძვირად ღირებულ, მისთვის სასურველ დიზაინში, შესაბამისი განსხვავების დამატებით.
თუ ნივთის დაზიანება მოხდა უშალოდ მომხარებლის მიერ, დაზიანების ხარისხიდან გამომდინარე, (ეს არ ეხება ძლიერ დაზიანებას, როდესაც ნივთი განადგურებულია), შევეცდებით გავუცვალოთ ახალში ან შეკეთებისთის საჭირო თანხის გადახდის სანაცვლოდ, გადავცეთ ახალი ნივთი.
ჩვენს პლატფორმებზე განთავსებული ფოტოები გადაღებულია პროფესიონალურ დონეზე. გთხოვთ გაითვალისწინოთ, რომ სხვადასხვა ხელსაწყოს ეკრანიდან (მობილური ტელეფონი, პადი, ლეპტოპი, პერსონალური კომპიუტერი და სხვ.) შესაძლოა, ფერები სხვადასხვაგვარად იყოს აღქმული. ჩვენი მთავარი მიზანია, რომ პროდუქციის ხარისხი მაქსიმალურად ახლო რაკურსით წარმოვაჩინოთ. ამ საკითხში კი, ვეყრდნობით ჩვენი ძვირფასი მომხმარებლების გამოცდილებას, რომლებიც გვეუბნებიან, რომ ნაკეთობები სინამდვილეში ბევრად უფრო ლამაზია, ვიდრე ეს ფოტოებზე ჩანს.
აკრძალულია ნაკეთობების დიზაინის, კონცეფციის, იდეის, შეფუთვის სტილის, ტექსტებისა და ფოტოების კოპირება ან მიმსგავსება. თითოეული ნაკეთობა საავტოროა და შეიცავს დიდ ფიზიკურ და ინტელექტუალურ რესურსს.
აკრძალულია ჩვენთან შეძენილ ნივთებზე კომპანიის ლოგოტიპის მოხსნა ან სხვა ბრენდის სახელით გადაყიდვა მესამე ფიზიკურ ან იურიდიულ პირზე.
აკრძალულია, ჩვენი ნივთების ან მათი ფოტოების Emocia Wines-ის ნებართვის გარეშე განთავსება სხვადასხვა ფიზიკურ თუ ონლაინ მაღაზიაში, ასევე სოციალურ ქსელებში.
მიუხედავად მომხარებლის უდიდესი პატივისცემისა, კომპანია იტოვებს უფლებას, რომ არ გაუწიოს მომსახურება, დაბლოკოს უხამსი და მიუღებელი კომენტარები და მათი ავტორები, რომელიც სხვა პირებს ან Emocia Wines-ის ღირსებას შეურაცჰყოფს.
Emocia Wines -ის მიზანია, მსოფლიოს წარვუდგინოთ საქართველო, როგორც ღვინის სამშობლო და ასევე გავაცნოთ უნიკალური, ქართული ქვევრი, რომელიც ჩვენი იდენტობის სიმბოლო და UNESCO-ს მიერაა დაცული.
ჩვენი ყურძნები შექმნის პირველივე დღიდან, ძირძველი ქართული, ენდემური ყურძნის ჯიშების მიმსგავსებულ ანალოგს წარმოადგენს, თავისი ფერითა და აგებულებით. ამიტომ, ჩვენთვის მნიშვნელოვანია, რომ თითოეული მათგანის ფერი და ვიზუალი ნამდვილთან მაქსიმალურად ახლოს იყოს. ჩვენ არ ვქმნით არარეალური ფერის ყურძნებს. ღვინის ემოციას ყოველი მტევანი, ქართული ყურძნის ჯიშის ასლია.
ჩვენი მისიაა ბევრი ბედნიერი მომხმარებელი, რომლებიც სიამაყით ატარებენ ჩვენს ნაკეთობებს და ჩვენთან განცდილ საუკეთესო გამოცდილებას, ბევრ მეგობარს უზიარებენ.
გვინდა, რომ ჩვენი შექმნილი ნაკეთობები ასოცირდებოდეს საქართველოსა და ღვინის თემატიკით არსებულ, ყველაზე ხარისხიან და სასურველ საჩუქართან, რომელსაც უბრალო ნივთზე მეტად, გაცილებით დიდი ემოციური დატვირთვა აქვს.
ჩვენი მისიაა: მრავალწლიანი, პარტნიორული ურთიერთობა ჩვენს მოხმარებელთან, იგივე ხარისხისა და განწყობის შენარჩუნებით, რის გამოც გამოგვარჩიეს სხვებში და გვენდნენ.
ონლაინ გაყიდული ნივთების ღირებულების ნაწილი, ყოველთვიურად ირიცხება„ჰოსპისი ფერისცვალება“-სთან, სადაც მარტოხელა და მძიმე სენით დაავადებულ მოხუცებულებს უვლიან. ეს ჩვენთვის განსაკუთრებული მისიაა, რადგან ვიცით, რომ რაც უფრო მეტს ვიშრომებთ, მით მეტი ადამიანის დახმარებას შევძლებთ.
ჩვენი თითოეული მოხმარებელი ქველმოქმედია, რადგან მათი შენაძენიდან შემოსული თანხა, ყოველი თვის დასაწყისში, საყვარელ მოხუცებს ხმარდება.
Emocia Wines-ის სავაჭრო ნიშანი დარეგისტრიებული და დაცულია საქპატენტის მიერ!
ჩვენთან დაკავშირება შესაძლებელია ყველა საკომუნიკაციო არხით, როგორიცაა მობილურის ნომერი, ელექტრონული ფოსტა, Face Book მესინჯერი, Instagram, WatsApp, Viber, ვებ გვერდი. ყველა საკონაქტო ინფორმაცია საჯაროა და განთავსებულია ჩვენს პლატფორმებზე, ასევე გუგლის საძიებო სისტემაში.
საუკეთესო ემოციებით,
Emocia Wines-ის გუნდი.